قال النائب في البرلمان ياسين العياري في تدوينة على صفحته الرسمية على فايسبوك على بلاغ الجامعة التونسية لكرة القدم بخصوص التقدم بشكاية ضده "إشكي حتى لكوفي عنان.. هلال الشابة سيبقي وأنت ستسقط وترتاح منك الكورة".

وفيما يلي نص التدوينة:

هاهاهاهاهاها، ما أصغر عقلك يا وديع،
بدأ يشمها يقارصها الأخ وديع فيديراسيون! فهم الي الطرح المرة هذه مختلف و كاسح، موش كيما مستانس
و اشكي حتى لكوفي عنان..
حشرجات النهاية يا وديع، تهنى، ستخسر أمام أي قضاء عادل و سأشتكيك إدعاء بالباطل و سأطلب 180 ألف دينار و بش نربح و هاو تعهد علني  الفلوس الكل ستكون هدية لهلال الشابة الي ظلمتهم، الهلال الي سيبقي و أنت ستسقط و ترتاح منك الكورة.
الحبس يخوف المجرمة يا وديع، الي ترفك في الأزياء و خلاص الحكام و المطبوعات و الدوايات .. في امل و عمل كان جاء عندنا وسخ راهو لقاه غيرك،  ما تخوفناش!
نحيلي 6 نقاط و إحرمني من البنك و عاقبني ب 300 مليون يا وديع! اووبس.. ما تنجمش! أنت بلا أسلحة في العركة هذه، العركات الي سبقوا الكل ربحتهم خاطر في الملعب متاعك، هذه بش تخسرها، خاطر في ملعب آخر، الملعب متاعي، ملعب القانون الجزائي موش القانون الرياضي.
معايا في العركة هذه كل جمهور الرياضة الي يحب كورة نظيفة و يكره الظلم، و ما معاك حد، حتى الي تستخايلهم معاك، فقط خايفين منك، يكلموا فيا و يحفرولك.
العام الجاي الشرفي يا وديع!
#أمل_و_عمل_ضد_وديع
#لأجل_كورة_نظيفة_في_تونس
#يسقط_وديع_و_يبقى_هلال_الشابة
#لا_للفساد_الرياضي